GARE Global Alliance for the Rights of Ethiopians

ማሳሰቢያ፤  እርዳታ በሚያደርጉበት ጊዜ ቲፕ መክፈል አይኖርብዎትም። ጎፈንድሚ ሰርቪስ ከሚለው ስር  የሚያዩትን አስራ ሁለት ነጥብ አምስት ፐርሰንት የሚለውን ወደ ዜሮ ፐርሰንት መቀየር ይኖርብዎታል።
===================================================
አሸባሪ የጥፋት ኃይሎች እና ግብረ አበሮቻቸው በከፈቱት ጦርነት ምክንያት በተለይ በአማራ እና አፋር ክልል የሚኖሩ ኢትዮጵያውያን ወገኖቻችን የጦርነት ሰለባ እየሆኑ፣ ሰብዓዊ መብታቸው እየተረገጠ፣ ሃብታቸው እና ንብረታቸው እየወደመ፣ የዕለት ጉርሳቸው ሳይቀር እየተዘረፈ፣ አሰቃቂ ወንጀል እና ጅምላ ጭፍጨፋ እየተፈጸመባቸው ሲሆን አገራችን ኢትዮጵያም በውስጥም በውጭም በሚደርስባት ጫና የሕልውና አደጋ ተደቅኖባት በከባድ እና ታሪካዊ ፈተና ዉስጥ ትገኛለች፡፡ ወገኖቻችን ተገደው በገቡበት ጦርነት ምክንያት ውድ እና ክቡር የሆነውን ህይወታቸውን እየሰዉ እና የአካል ጉዳት እየደረሰባቸው ሲሆን ከግማሽ ሚሊዮን በላይ የሚሆኑ ሰላማዊ ዜጎች ደግሞ ከቀያቸው ተፈናቅለው ያለ መጠለያ እና ምግብ፣ በረሃብ፣ በበሽታ እና በዕርዛት እየተሰቃዩ ይገኛሉ፡፡ እኛም በዓለም ዙሪያ የምንገኝ ትዉልደ ኢትዮጵያን በሃገራችን እየሆነ ያለው የሰላማዊ ሰዎች እልቂት፣ ስደት፣ የወገኖቻችን ስቃይ እና መከራ እንዲሁም የአገራችን ሕልውና እጅግ አሳሳቢ ሁኔታ ላይ በመውደቁ ልዩነቶቻችንን ወደ ጎን በመተውና ብሔራዊ ሕልውናን በማስቀደም ለወገኖቻችን ሰብዓዊ እርዳታ ለማቅረብ እና የኢትዮጵያ ሕዝብ እንደሚያደርገው በጋራ በመቆም ደጀንነታችንን በተግባር ለማሳየት የዓለምአቀፍ ትብብር  ለኢትዮጵያ ሕልዉና የተሰኘ ግብረ ኃይል አቋቁመን እንቅስቃሴ ጀምረናል። 

ወገኖቻችን ይህን ከባድ ጊዜ መሻገር እንዲችሉ እና በአገራችን ህልውና ላይ የተጋረጠውን አደጋ በጋራ ለመመከት የሁላችንም የገንዘብ እና የሞራል ድጋፍ እንዲሁም ለአገራችን ጠበቃ መሆን (Advocacy) በጣም አስፈላጊ መሆኑን ተገንዝበን ይህንን የወገን እርዳታ ጥሪ ሁላችንም እንድንቀላቀል ግብረ ኃይሉ ከታላቅ አደራ ጋር ተማጽኖ ያቀርባል፡፡ ስለዚህ በተዘጋጀው ድጋፍ መሰብሰቢያ (GoFundMe) ዛሬ ነገ ሳንል የምንችለውን እየለገስን የወገኖቻችንን ጥሪ እንድንመልስ እና ለሃገራችን ጥብቅና እንድንቆም ጥሪያችንን በአክብሮት እያስተላለፍን ለምታደርጉት ወገናዊ እርዳታ በቅድሚያ ምስጋናችንን እናቀርባለን፡፡

ኢትዮጵያ በነጻነቷና በአንድነቷ ፀንታ ለዘለዓለም ትኑር!

ዓለም አቀፍ ትብብር ለኢትዮጵያ ሕልውና ግብረ ኃይል

• ደብረብርሃን ተፈናቃይ ህጻናት እየሞቱ ነው።
• ሶማሌ ክልል አስፈሪ ርሃብ ገብቷል።
• የሐመር ወገኖቻችን የወገን ያለህ ይላሉ።

• ለወገን ደራሽ ውወገን ነው !!!

በሶማሌ ክልል፤  በቦረና እና በደቡብ ኦሞ በድርቅ ምክንያት የተጎዱ ወገኖቻችንን ለመርዳት እጃችሁን ዘርጉ።
ለወገን ደራሽ ወገን ነው።

Want to join me in making a difference? I'm raising money to benefit GARE Global Alliance for the Rights of Ethiopians, and any donation will help make an impact. Thanks in advance for your contribution to this cause that means so much to me.
More information about GARE Global Alliance for the Rights of Ethiopians: GARE is a 501 c company based in the United States established to defend the rights of Ethiopians around the globe, raising funds from grassroots groups in support of distressed Ethiopians.