Tropas de Breogán contra o Covid-19

Vivimos tempos difíciles. A actual situación de alerta sanitaria provocada polo Covid-
19 fixo que nun escaso lapso de tempo tiveramos que adaptarnos a convivir nun
descoñecido e perigoso escenario.

Como adoita ocorrer nestes intres, os momentos negativos espertan o lado máis
imaxinativo, solidario e colaborativo da sociedade. É por iso que humildemente, ao
igual que tantas outras persoas e colectivos, queremos aportar o noso pequeno gran de
area para colaborar na medida do posible ca nosa benquerida cidade.

Lanzamos este crowdfunding co obxectivo de recadar uns fondos que nos permitan
axudar a aliviar as urxentes necesidades sanitarias de distintas residencias, centros e
asociacións a nivel local a pequena escala.

Con esperanza e ilusión apelamos ao compromiso dos nosos socios, do celtismo e de
todos aqueles siareiros e siareiras que queiran xogar ao noso carón neste transcendental
encontro.

Non queremos rematar sen antes enviar a nosa forza a tódalas persoas traballadoras e
voluntarias que se deixan a pel nesta loita, así como con especial agarimo a afectados e
familiares.

AFOUTEZA