Ayiti Corona Virus Response

SOLIDARITE LAJENÈS KONT CORONA VIRIS!                                                                              Yon Inisyativ      PatriyòtLolo ak INIVÈSITE POPILÈ a...

Nou tout konnen ke pandemi Kowona Viris la kontinye ap ravaje                lemond. Pandan map ekri fraz sa a 187 peyi deja afekte, prèske   3 Milyon moun deja enfekte, e plis pase 250 moun deja pèdi lavi yo nan        lemond.

An Ayiti otorite yo di se sèlman 8 Ayisyen ki enfekte jiskaprezan, men    sa pa vle di pa genyen plis Ayisyen kap simaye oubyen kap pran maladi a san yo pa menm konnen, paske Ayiti pa gen kapasite pou teste moun kòmsadwa. E JODI A LÒT PEYI PA KAPAB VIN BANNOU KOUT MEN       PASKE YAP JERE KALVÈ PA YO. SE AYISYEN KI POU EDE AYITI.

Nan dènye jou sa yo nou wè Senatè Larepiblik Kap fè kanpay nan fè        kado ti bwat gan oubyen mask ak kèk bokit ki ekri non yo kòm                    patisipasyon pa yo nan ede popilasyon vilnerab la pwoteje tèt li kont     Corona Viris la. Imaj pwopagann sa yo endinye e revòlte konsyans Lajenès.

Se pou sa PatriyòtLolo ak Inivèsite Popilè a deside Envite LAJENÈS Nan yon maraton ki espere ranmase plis pase 100,000 (SAN MIL DOLA)       pou Ayiti.             PatriyòtLolo  bay yon donasyon de 500 dola ameriken, konpatriyòt       Judes    Celestin nan Florida ap fè yon donasyon de 400 dola  Ameriken,  e konpatriyòt Moranie Dorsainvil de Florida ap fè yon             donasyon de 300 dola Ameriken. OU KA BAY SA'W KAPAB,             MENMSI SE YON 1 DOLA... AYITI BEZWEN SA...

NOU ENVITE'W REJWENN NOU NAN EFÒ PATRIYOTIK SA A. OU KA PATAJE LYEN AN AK LÒT MOUN OU KONNEN POU YO KA PATISIPE TOU.

Paske nou panse vil ak moun Gonaïves merite pliske yon ti bwat gan.    Nou panse Machan Desalin ak Latibonit merite pliske kèk bokit vid ki    gen  non yon Senatè Larepiblik ekri sou yo. 

Yon komite ki genyen doktè ak enfimyè Ayisyen kap viv nan Dyaspora a pral mete sou pye preseprese pou oryante acha ak distribisyon                materyèl medikal tankou GAN, MASK ak Lòt Bagay Ke Fon Sa a Pral      Achte pou ede konpatriyòt Ayisyen ki lakay yo fè fas a Corona Viris la.

Plis Detay Ap Vini Pandan Maraton Patriyotik Sa a Ap Fè Chemen Li...

Mèsi Pou Patisipasyon Ak Solidarite Ou...

Pa Ezite Kite Sigjesyon Pou Nou...

PatriyòtLolo... PòtPawòl Defansè Lajenès...

Lajenès, Rasanble

Mas, 2020