Усталяванне бюстаў Нацыянальных Герояў Беларусi

Паважаныя беларусы!!

Амаль год таму, па ініцыятыве Беларускай Аўтакефальнай Праваслаўнай Царквы i Парафіяльнай Рады Катэдральнага Сабору Сьвятога Кірылы Тураўскага (Нью Ёрк) пры падтрымцы Беларуска-Амэрыканскага Задзіночаньня (Нью Ёрк), было прынята рашэньне аб усталяваньні каля будынку Катэдральнага Сабору БАПЦ у Нью Ёрку бюстаў Нацыянальных Герояў Беларусі Тадэвуша Касьцюшкі і Кастуся Каліноўскага.

Парафіяльная Рада Сабору зьвярнулася з прапановай па распрацоўцы бюстаў да вядомага беларускага скульптара Геніка Лойкі. Спадар Генік з вялікім жаданьнем пагадзіўся. Нажаль, каронавірус унёс свае папраўкі ў пляны але, ня гледзячы на праблемы з каронавірусам, арыштам і адбыцьцем за кратамі, спадар Генік Лойка не спыніў сваей працы і ўзоры бюстаў падрыхтаваныя і гатовыя для адліўкі.

Мы, Парафіяльная Рада Катэдральнага Сабору Кірылы Тураўскага, зьвяртаемся да ўсіх неабыякавых беларусаў, арганізацый як у замежжы, так і на Радзіме матэрыяльна падтрымаць праект. Агульны кошт каторага складзе прыблізна $ 25 000. У агульны кошт уваходзіць:
-кошт працы мастака,
-кошт адліўкі,
-кошт адпраўкі бюстаў з тэрыторыі Украіны ў ЗША,
-распрацоўка, выраб і устаноўка пастаментаў.

Спадзяемся на Вашую дапамогу, паважаныя Беларусы.

Спiс усiх ахвярадаўцаў, будзе захаваны ў Саборы Сьв. Кірылы Тураўскага ў Нью Йорку.

Дапамога на любым этапе ўсталявання манументаў - вітаецца!

Жыве Беларусь!