ንስድራ ሳሙኤል ኣባጋ ኣጆኺ ንበላ። Let's help Abaga's family!

ሰላምታ ብምቕዳም፣

ቅድሚ ቊሩብ መዓልታት ንፈትዎን ነኽብሮን ሓውናን ብጻይናን ሳሙኤል ተዓገስ (ኣባጋ) ብድንገት ካብ'ዛ ዓለም ብሞት ተፈልዩና። ሳሙኤል ኣባጋ ኣብ 2016 ብዓውዲ ምህንድስና ትምህርቱ ዛዚሙ ኣብ ኤርትራ ክነብር ድሕሪ ምጽናሕ እዩ ብድንገት ዓሪፉ። ዋዛን ሰሓቕን ዘይፈሊ ሳሙኤል ኣባጋ በሊሕን ሕያዋይን በዓል ብዙሕ ትልሚ ምንባሩን መቕርቡን ፈተውቱን ከምኡ ድማ ንሕና ብጾቱ ንምስክረሉ። ዋላ'ኳ ሞት ባህርያዊ እንተ'ኾነ፣ ብሉጽ ሰብ ብድንገት ክፍለየካ ግና መሪር እዩ። ብዓቢኡ ድማ ነታ ኩለንትንኣ ኣፍሲሳ ኣብዚ ዘብጸሓቶን ክኽሕሳ እትጽበ ዝነበረትን ስድራ ከቢድ ስምብራት እዩ። ስለዝኾነ ከኣ እዛ ስድራ ተስፋኣ ከይቅህም ዓቕምና ዘፍቅዶ ብምብርካት ኣጆኺ ንበላ።

የቐንየልና

ብጾቱ!