TË NDËRTOJMË SË BASHKU KËMBANOREN E KISHËS

PËRSHKRIM I HISTORIKUT TË KËMBANORES!

Kisha Zemra e Krishtit e quajtur gjithashtu dhe “shenjtërorja e Zemrës së Krishtit” filloi punimet për ndërtimin e saj në vitin 1938 nga një projekt dhuruar Jezuitëve nga Italia.

Arkitekti Giovanni Santi përshkruan projektin e plotë duke pasur edhe këmbanorën si pjesë themelore e Kishës.

Sipas shkrimeve të gjetura këmbanorja nuk është lejuar të ndërtohet për arsye se pak me larg ishte “fusha e aviacionit” dhe lartësia e saj do të krijonte problem për avionët që do të uleshin në atë pistë. Si pjesë e këmbanores u ndërtua vetëm një kullë e vogël druri duke vendosur këmbanat.

Sot po realizojmë projektin fillestar të këmbanores ashtu sikurse ishte projektuar që në fillim për ta kthyer Kishën tonë në identitet!

Këmbanorja ka një stil Italian të zonës së Venecias e kompletuar me këmbana prej Bronzi.

Ju falenderoj për kontributin tuaj!

Atë Zef Bisha S.J.