Wenn us Traumferie en Albtraum wird!

Mier kenned en eusä Manu, Scheidi, Bonsai oder au eusä Sunneshy gnennt.

Au wenner sit Geburt en Herzfehler het, isch er für jedä spass zha gsi und immer und überall debi. Er het nie es grosses ding drus gmacht und lieber gschichtli verzellt, dass sini Narbe vome Hai ahgriff chunt.

Wonner sich endi Februar uf d’Reis nach Costa Rica gmacht het, hetti niemert denkt, dass es i some albtraum endet. Scho am Flughafe, parat zum zrugg id Schwiz cho, het er gmerkt, dass öppis nöd stimmt. Zum Glück hends schnell usegfunde, dass sin Puls und Herzrythmus nöd guet isch. Denn isch alles ziemmli schnell gange. Kein Heiflug sondern ab is Spital.

Leider belaufed sich die Behandligsköste uf mehreri zehntuusig Franke.

Deswege han ich mich dezue entschlosse, das Crowdfunding z‘mache, um ihm die Last und Unsicherheit vo denä viele köste chönne abzneh, demit er sich uf sini Gsundheit chan konzentrierä.

Da au mier noni gnau wüssed wie viel, dass es schlussendlich isch, hanis ziel eher höch ihgstuft. Falls jedoch d Köste schlussendlich tüfer sind als s gsammlete Geld, wür de Restbetrag ad Kinderherzforschig (VKHFS) gspendet werde!

Danke tuusig!

Liebi Grüess Diana