Ysgol Gymraeg Gaiman

Mae Ysgol Gymraeg y Gaiman yn codi arian er mwyn gorffen adeiladu estyniad i'r ysgol.

Sefydlwyd Ysgol Feithrin y Gaiman yn 1993 i ateb y galw am addysg Gymraeg i blantos yr ardal. Dros y blynyddoedd, tyfodd y galw am addysg gynradd cyfrwng Cymraeg ac yn 2015 agorodd Ysgol Gymraeg y Gaiman ei drysau.

Bellach mae 160 o blant yn mynychu'r ysgol, ac mae'r adeilad yn rhy fach. Oherwydd sefyllfa ariannol yr Ariannin a phrisiau wedi codi'n aruthrol, dy'n ni ddim wedi gallu gorffen adeiladu tair ystafell ddosbarth newydd ar y safle yng nghanol y Gaiman eto.

Mae cynnal yr iaith Gymraeg yn hollbwysig i ni yma ym Mhatagonia, ac mae darparu addysg cyfrwng Cymraeg i'n plant yn rhan annatod o sicrhau dyfodol i'r iaith yn ein cymunedau.

Byddwn ni fel ysgol a chymuned yn gwerthfawrogi unrhyw gymorth allwch chi ei roi i ni er mwyn cwblhau'r gwaith a gwireddu'r freuddwyd yma.

Diolch yn fawr.